నిషేధిత గుట్కా ప్యాకెట్లు సీజ్

దిశ, ఆదిలాబాద్: జిల్లాలో నిషేధిత గుట్కా ప్యాకెట్లు కలకలం సృష్టిస్తున్నాయి. గుడిహత్నూర్‌లో నిషేధిత గుట్కా ప్యాకెట్లను తరలిస్తున్న వ్యక్తిని పోలీసులు అరెస్ట్ చేశారు. గుడిహత్నూర్ శివారులోని ఈద్గా వద్ద పోలీసులు పెట్రోలింగ్ నిర్వహిస్తుండగా.. ఆదిలాబాద్ వైపు నుంచి ఓ వ్యక్తి బైక్‌పై తెల్లని ప్లాస్టిక్ సంచితో రావడంతో అనుమానం వచ్చి పోలీసులు తనిఖీ చేశారు. ప్రభుత్వం నిషేధించిన అంబర్ తంబాకు ప్యాకెట్లు తరలిస్తున్నట్లు గుర్తించారు. నిందితుడు ఇచ్చోడ మండలం ఇస్లాంపుర కాలనీకి చెందిన షేక్ ఫెరోజ్‌గా గుర్తించారు. అనంతరం నిందితుడిని అదుపులోకి తీసుకుని విచారిస్తున్నారు పోలీసులు.