సౌత్‌లో రికార్డ్ సృష్టించిన ప్రదీప్ సాంగ్..

by  |
సౌత్‌లో రికార్డ్ సృష్టించిన ప్రదీప్ సాంగ్..
X

బుల్లితెర యాంకర్, యాక్టర్ ప్రదీప్ మాచిరాజు హీరోగా తెరకెక్కిన చిత్రం ‘30 రోజుల్లో ప్రేమించడం ఎలా?’. స్మాల్ స్క్రీన్‌పై ఫుల్ జోష్‌తో కనిపించే ప్రదీప్‌.. బిగ్ స్క్రీన్‌పై హీరోగా కనిపించబోతున్న ఈ చిత్రం గురించి ఫ్యాన్స్ చాలా వెయిట్ చేశారు. కానీ ఆదిలోనే హంసపాదు అన్నట్లు ఈ సినిమాకు కరోనా అడ్డంకిగా మారడంతో విడుదల ఆగిపోయింది. కానీ అంతకుముందే రిలీజ్ చేసిన ‘నీలి నీలి ఆకాశం’ సాంగ్ మాత్రం సూపర్ డూపర్ హిట్‌గా నిలిచింది. యుట్యూబ్‌‌లో ఏకంగా 200 మిలియన్ వ్యూస్ సాధించిన తొలి సౌత్ ఇండియన్ సాంగ్‌గా నిలిచి రికార్డు సృష్టించింది.

దీంతో సినిమా దర్శకుడు మున్నా అభిమానులకు థాంక్స్ చెప్తూ ట్వీట్ చేశారు. హీరో హీరోయిన్లు ప్రదీప్, అమృత అయ్యర్‌తో పాటు రచయిత చంద్రబోస్, మ్యూజిక్ డైరెక్టర్ అనూప్ రూబెన్స్, సింగర్స్ సిద్ శ్రీరామ్, సునీతలకు ధన్యవాదాలు తెలిపారు. కరోనా మా సినిమా విడుదలను ఆపి ఉండొచ్చేమో కానీ మా స్ఫూర్తి మీద ఎలాంటి ఎఫెక్ట్ చూపించలేకపోయింది అన్నాడు మున్నా. ఈ సినిమాను సెల్యులాయిడ్ పోయెట్రీగా తీర్చిదిద్దాలని అనుకున్నానని.. ప్రముఖ దర్శకులు బాపు, రాఘవేంద్ర రావు తనకు స్ఫూర్తి అని తెలిపారు.



Next Story

Most Viewed