చందానగర్‎లో పుంజుకుంటున్న పోలింగ్

దిశ, శేరిలింగంపల్లి: చందానగర్ సర్కిల్‎లో పోలింగ్ క్రమంగా పుంజుకుంటోంది. ఉదయం 11 గంటల వరకు జరిగిన పోలింగ్ శాతంలో కొండాపూర్ డివిజన్ వెనుకంజలో ఉండగా చందానగర్‎లో గరిష్టంగా 13.12 శాతం పోలింగ్ నమోదైంది. మాదాపూర్ డివిజన్ లో 6.15 శాతం, మియాపూర్ డివిజన్ లో 9.29 శాతం, హఫీజ్‎పేట్ డివిజన్‎లో 9.71శాతం, చందానగర్ డివిజన్‎లో అత్యధికంగా 13.12 శాతం ఓటింగ్ నమోదైంది. చందానగర్ సర్కిల్‎లో సరాసరి పోలింగ్ శాతం 9.6 గా నమోదైంది.

శేరిలింగంపల్లి సర్కిల్ పరిధిలో కొండాపూర్ డివిజన్‎లో అత్యల్పంగా 4.97 శాతం పోలింగ్ నమోదైంది. గచ్చిబౌలి డివిజన్‎లో 6.61 శాతంగా ఉండగా శేరిలింగంపల్లి గరిష్టంగా డివిజన్ లో 7.80 శాతం నమోదైంది. కాగా శేరిలింగంపల్లి సర్కిల్ లో 6.42 శాతం పోలింగ్ నమోదైంది.