‘అవసరమైతే రాహుల్ గాంధీని చంపేయండి.. కానీ ఇది మంచి పద్దతి కాదు’

దిశ, తెలంగాణ బ్యూరో: రాహుల్‌ను రాజకీయాలకు దూరంగా ఉంచాలనుకుంటే చంపేయండి కానీ.. ఇలా దారుణంగా వ్యవహరించడం సరికాదని సినీ నటుడు శివాజీ అన్నారు. ఆదివారం గాంధీభవన్‌లో జరిగిన సత్యగ్రాహ దీక్షకు ఆయన మద్దతు తెలిపారు. అనంతరం శివాజీ మాట్లాడుతూ.. దేశంలో మోడీ విధానాలు సరిగ్గా లేవన్నారు. కార్పొరేట్లను అదలం ఎక్కించి, పేదలకు పంగనామాలు పెడుతున్నారన్నారు. మోడీ విధానాలను ఎవరూ హర్షించరన్నారు. రాహుల్​ కోసం దేశ యువత ముందుకు కదలాల్సిన సమయం ఆసన్నమైందన్నారు. త్వరలోనే బీజేపీకి బుద్ధి చెబుతామన్నారు. గాంధీ కుటుంబం కోసం అందరం కలసి పనిచేయాలన్నారు. పేద ప్రజలందరి డీఏన్​ఏలో కాంగ్రెస్​ఉన్నదన్నారు. మోడీకి బైబై చెప్పాలని ఆయన పిలుపు నిచ్చారు.