బైక్ కొంటున్నారా.. మీ కోసమే తెలంగాణ పోలీసుల ముఖ్య గమనిక
దిశ, వెబ్ డెస్క్ : మీరు బైక్ కొనాలనుకుంటున్నారా? అయితే షోరూం వాళ్లు బైక్‌తో పాటు రెండు హెల్మెట్‌లు ఇవ్వాల్సిందే. అవును ఇలా అని మోటారు వాహన చట్టం-1989లో ఉంది. నిత్యం జరుగుతున్న ప్రమాదాల్లో హెల్మెట్ ధరించకపోవడం వల్లే ఎంతో మంది మృత్యువాత పడుతున్నారు.
దీనిపై దృష్టి సారించిన సైబరాబాదు పోలీసులు ఓ కీలక నిర్ణయం తీసుకున్నారు. వాహన తయారీదారులు తమ కస్టమర్ సేఫ్టీని పరిగణించాలని తప్పనిసరిగా రెండు హెల్మెట్‌లు అందించాలని తెలిపారు. అంతేకాకుండా ఈ హెల్మెట్‌లు బ్యూరో ఆఫ్ ఇండియన్ స్టాండర్డ్ (బీఐఎస్) ప్రకారం ఉండాలని సూచించారు.
ఈ క్రమంలో వినియోగదారులు దీనిపై అవగాహన కలిగి ఉండి తమ హక్కు అయిన ఉచిత హెల్మెట్‌ను పొందాలని కోరారు. ప్రస్తుతం రాష్ట్రంలో ద్విచక్ర వాహనంపై వెళ్లే ఇద్దరికి హెల్మెట్ ఉండాలనే నిబంధన నడుస్తోంది. హైదరాబాద్‌లో ఇది పకడ్బంధీగా అమలు చేస్తున్నారు. ఈ నేపథ్యంలో షోరూమ్స్.. చట్టంలోని నిబంధనలు అమలుచేసి ఖచ్చితంగా రెండు హెల్మెట్స్ ఇవ్వాల్సిందే.
CTP appeals citizens to rightfully claim two standard helmets along with any type of motor cycle they purchase as per the Rule 138(4)(f) of the Central Motor Vehicles Rules, 1989.#RoadSafety #RoadSafetyCyberabad pic.twitter.com/EEbx5ud8kC
— CYBERABAD TRAFFIC POLICE సైబరాబాద్ ట్రాఫిక్ పోలీస్ (@CYBTRAFFIC) August 28, 2021
