TSRTC కీలక నిర్ణయం.. ప్రయాణికులకు గుడ్ న్యూస్ చెప్పిన ఎండీ సజ్జనార్

దిశ, డైనమిక్ బ్యూరో : తెలంగాణ ఆర్టీసీ.. ప్రయాణికులకు గుడ్‌న్యూస్ చెప్పింది. ప్రయాణికుల సౌకర్యార్థం ఆర్టీసీ కీలక నిర్ణయం తీసుకుంది. టికెట్‌కొనే సమయంలో ఆన్‌లైన్ పేమెంట్స్‌ను యాక్సెప్ట్ చేసేందుకు సిద్ధమైంది. ఆర్టీసీ ఎండీ సజ్జనార్‌కు నెటిజన్లు చేసిన సూచన మేరకు ఈ నిర్ణయం తీసుకున్నట్లు తెలుస్తోంది. ప్రస్తుతం క్యాష్ లెస్ ట్రాన్సాక్షన్స్‌పై ప్రజలు మొగ్గుచూపుతుండటంతో ఆర్టీసీలోనూ ఇదే పద్దతిని తీసుకొచ్చేందుకు ప్రయత్నాలు ముమ్మరం చేశారు.

ఈ క్రమంలో పైలెట్ ప్రాజెక్ట్ కింద MGBS, రెతిఫైల్ బస్ స్టేషన్(బస్ పాస్ కౌంటర్) సికింద్రాబాద్‌లో మంగళవారం నుంచి ఆన్‌లైన్ పేమెంట్స్‌ను అమలులోకి తీసుకొచ్చామని సజ్జనార్ ఓ ప్రకటనలో తెలిపారు. అయితే, దీని వినియోగాన్ని కొన్ని రోజులు గమనించి, రాష్ట్రవ్యాప్తంగా అమలు చేస్తామని తెలిపారు. అందువల్ల ప్రయాణికులు ఆన్‌లైన్ పేమెంట్స్ సదుపాయాన్ని వినియోగించి సక్సెస్ చేయాలని సజ్జనార్ పిలుపునిచ్చారు.

Good news to TSRTC Passengers! We have under taken a new pilot project to accept payments via @UPI_NPCI #QRcode in #MGBS & #rathifile bus stands for Ticket booking & cargo/parcel services from 19th Oct 2021. We Request all the #citizens to utilize this service & make it success pic.twitter.com/6wqKizbN1A

— V.C Sajjanar IPS MD TSRTC Office (@tsrtcmdoffice) October 19, 2021