ఏపీ వ్యాప్తంగా ఒకే ధ‌ర‌కు సిమెంట్..స్పెష‌ల్ యాప్​

దిశ, వెబ్‌డెస్క్ : ఆంధ్ర‌ప్ర‌దేశ్‌లో సిమెంట్ కొర‌త తీర్చేందుకు స్పెష‌ల్ యాప్ అందుబాటులోకి వ‌చ్చింది. గుంటూరు జిల్లా మంగళగిరి ఏపీఐఐసీ పార్కులో మంత్రి మేకపాటి గౌతంరెడ్డి ఈ యాప్ ను బుధవారం లాంఛనంగా ప్రారంభించారు. ఈ సందర్భంగా రాష్ట్రమంతటా ఒకే ధరకు సిమెంట్ లభించేలా ఏర్పాట్లు చేశామని మంత్రి వెల్ల‌డించారు. యాప్ ద్వారా ఎక్క‌డి నుంచైనా సిమెంట్ బుక్ చేసుకునే సౌల‌భ్యం కల్పించామన్నారు. ఏరోజు ఎంత స్టాక్..ఏయే కంపెనీ సిమెంట్ అందుబాటులో ఉందనే అంశాలు యాప్​లో అప్‌డేట్ అవుతూ ఉంటాయ‌ని తెలిపారు. దీని వ‌ల్ల సిమెంట్ బ్లాక్ చెయ్య‌డానికి ఆస్కారం ఉండ‌దని వివ‌రించారు.