ఎన్ని నామినేషన్లు వేసినా..ఒకే చోట పోటీ !

దిశ, తెలంగాణ బ్యూరో: జీహెచ్ఎంసీ ఎన్నికల్లో పాల్గొనే అభ్యర్థులు ఒకటి కంటే ఎక్కువ నామినేషన్లు వేయెచ్చని, కానీ ఒక డివిజన్‌లో మాత్రమే పోటీలో ఉండాలని ఎన్నికల అధికారి లోకేశ్‌ కుమార్ తెలిపారు. ఈ నిబంధనలు అమలయ్యేలా జీహెచ్ఎంసీ, ఎన్నికల విభాగం అధికారులు చూసుకోవాలని గురువారం ఆదేశాలు జారీ చేశారు. ఎన్నికల షెడ్యూల్ ప్రకారం విత్ డ్రా గడువు నాటికి అభ్యర్థి ఏ డివిజన్ నుంచి పోటీ చేయాలనుకుంటున్నారో.. ఆ స్థానం తప్ప మిగిలిన నామినేషన్లు విత్ డ్రా చేసుకోవాలన్నారు.. అలా చేయలేకపోతే సదరు అభ్యర్థి వేసిన అన్ని నామినేషన్లు రద్దు చేయబడుతాయని స్పష్టం చేశారు. ఈ సవరణను జీహెచ్ఎంసీ డిప్యూటీ కమిషనర్లు, అసిస్టెంట్ ఎన్నికల అధికారులు గమనించాలని సూచించారు