క్వారంటైన్ టూ వకీల్ సాబ్

దిశ, వెబ్‎డెస్క్: పవర్ స్టార్ పవన్ కళ్యాణ్ పవర్ కం బ్యాక్ మూవీ “వకీల్ సాబ్” చిత్రంలో నటించిన నివేదా థామస్‎కు కరోనా వచ్చిన విషయం తెలిసిందే. అయితే కొన్ని రోజులుగా క్వారంటైన్‎లో ఉన్న ఈ భామ “వకీల్ సాబ్” సినిమా ప్రదర్శింపబడుతున్న థియేటర్‎లో ప్రత్యేక్షమైంది. ఈ అమ్మడు థియేటర్‎లో నిలబడి సినిమాను చూస్తున్న ఫోటోను షేర్ చేస్తూ.. “ఈ క్షణం కోసమే ఎదురు చూస్తున్నాను.. మాటలు లేవు” అంటూ ట్వీట్ చేసింది. ఈ పోస్ట్‎ను చూసిన నెటిజన్లు కరోనా కారణంగా “వకీల్ సాబ్” మూవీ ప్రమోషన్స్ లో ఎక్కడ కనపడని నివేదా.. అప్పుడే కరోనా నుంచి కోలుకుందా అంటూ కామెంట్లు చేస్తున్నారు. అయినప్పటికీ కరోనా నిబంధనలకు అనుగుణంగానే అన్ని జాగ్రత్తలు తీసుకునే నివేదా సినిమాకు వెళ్లినట్లు తెలుస్తోంది.