TSPSC: కొలువుదీరిన టీఎస్‌పీఎస్సీ పాలకవర్గం.. త్వరలో ఉద్యోగాలు..!

దిశ, తెలంగాణ బ్యూరో : తెలంగాణ స్టేట్ పబ్లిక్​ సర్వీస్​ కమిషన్​ కొత్త పాలకవర్గం శుక్రవారం ఉదయం ప్రమాణస్వీకారం చేసింది. ముందుగా చైర్మన్​ బి. జనార్దన్​రెడ్డి ప్రమాణ స్వీకారం చేశారు. అనంతరం సభ్యులుగా కారం రవీందర్​రెడ్డి, చంద్రశేఖర్​రావు, లింగారెడ్డి, కోట్ల అరుణ కుమారి, సుమిత్ర ఆనంద్​, ఆర్.సత్యనారాయణ, రమావత్​ ధన్​సింగ్​ ప్రమాణస్వీకారం పూర్తి చేశారు. ప్రస్తుతం చైర్మన్‌గా ఉన్న సాయిలు నుంచి బాధ్యతలను అప్పగిస్తూ సెక్రటరీ వాణీ ప్రసాద్​సంతకాలు తీసుకున్నారు. ఈ సందర్భంగా త్వరలోనే ఉద్యోగల నోటిఫికేషన్ జారీ అవుతుందని కొత్త పాలకవర్గం వెల్లడించింది. కరోనా నిబంధనల కారణంగా టీఎస్‌పీఎస్సీ పరిసర ప్రాంతాల్లో ఆంక్షలు విధించారు. ఈ ప్రమాణ స్వీకారానికి కొంతమందిని మాత్రమే ఆహ్వానించారు. ఆయా ఉద్యోగ సంఘాల నేతలు ఈ సందర్భంగా కొత్త కమిటీకి శుభాకాంక్షలు తెలిపారు.