ఆ వ్యాపారంలోకి స్టార్ హీరోయిన్.. కారణం అదేనా..?

దిశ, వెబ్‌డెస్క్: సౌత్ ఇండియాలో మోస్ట్ వాంటెడ్ హీరోయిన్లలో నయనతార పేరు టాప్‌లో ఉంటుంది. యాక్షన్, రొమాంటిక్, లేడీ ఓరియెంటెడ్ ఇలా ప్రతి పాత్రలోనూ అమ్మడు ప్రేక్షకులను మెప్పించింది. కథ, పాత్ర ఏదైనా నయనతార అద్భుతంగా నటిస్తుందని ప్రేక్షకులు అంటారు. ప్రస్తుతం అమ్మడు తాను నెగిటివ్ రోల్‌లో కనిపించనున్న ‘కతువాకుల రెండు కాదల్’ సినిమా చిత్రీకరణలో బిజీగా ఉంది. ఈ సినిమాను నయనతార ప్రియుడు విఘ్నేశ్ శివన్ డైరెక్ట్ చేస్తున్నాడు. వీరిద్దరు వచ్చే ఏడాది పెళ్లి పీటలెక్కనున్నారని కూడా టాక్ వినిపిస్తోంది.

అయితే నయనతార కొత్తగా మరో వ్యాపారం ప్రారంభించింది. పేరు పొందిన డెర్మటాలజిస్ట్ డాక్టర్ రేణిత రాజన్‌త కలిసి నయన్ ఈ బిజినెస్ ప్రారంభించింది. అదే ‘లిప్ బామ్’ కంపెనీ. ‘ప్రతి పెదవులకు సరిపోయే లిప్ బామ్ ఉంటుంది. మీకు సరైన దాన్ని www.thelipbalmco.in లో పొందండి. సరికొత్త, టాప్ రేటెడ్ లిప్‌బామ్స్‌కూడా లభిస్తాయి’ అంటూ టీమ్ ఓ ప్రకటన చేశాయి. అంతేకాకుండా ఈ లిప్‌బమ్స్ ప్రపంచంలోని నాణ్యమైన ముడి పదార్థాలను ఉపయోగించి, పెదవులకు అన్ని విధాల పనిచేసే లిప్‌బామ్ తయారు చేయబడిందని వారు తెలిపారు.

అయితే అమ్మడు ఈ ఏడాది ప్రారంభంలో తన ప్రియుడు విఘ్నేశ్‌తో కలిసి చెన్నై ప్రధాన కార్యాలయంగా ‘చాయ్ వాలే’ అనే బ్రాండ్‌ను స్టార్ట్ చేసిన విషయం తెలిసిందే. దీంతో అమ్మడు బిజినెస్‌లో జోరు చూపించడంతో అభిమానుల్లో కొత్త సందేహాలు రేకెత్తుతున్నాయి. పెళ్లైన తరువాత సినిమాలకు దూరంగా ఉండేందుకే నయన్ ఈ బిజినెస్ ప్లాన్స్ చేస్తుందా అని వారు సందేహిస్తున్నారు. మరి దీనిపై నయనతార ఏమైనా క్లారిటీ ఇస్తుందేమో చూడాలి.