Wang Yi: భారత్కు చైనా విదేశాంగ మంత్రి.. కీలక సమస్యపై చర్చించే చాన్స్
భారత్ చైనాల మధ్య దీర్ఘకాలంగా ఉన్న సరిహద్దు సమస్యపై 24వ రౌండ్ ప్రత్యేక ప్రతినిధుల చర్చల్లో పాల్గొనడానికి చైనా విదేశాంగ మంత్రి వాంగ్ యీ భారత్ను సందర్శించనున్నారు.
దిశ, నేషనల్ బ్యూరో: భారత్ చైనాల మధ్య దీర్ఘకాలంగా ఉన్న సరిహద్దు సమస్యపై 24వ రౌండ్ ప్రత్యేక ప్రతినిధుల చర్చల్లో పాల్గొనడానికి చైనా విదేశాంగ మంత్రి వాంగ్ యీ (Wang Yi) ఈ నెల 18, 19 తేదీల్లో భారత్ను సందర్శిస్తారని విదేశాంగ మంత్రిత్వ శాఖ శనివారం తెలిపింది. వాంగ్ యీ తన పర్యటనలో భాగంగా కేంద్ర మంత్రి జైశంకర్ (Jai shanker), జాతీయ భద్రతా సలహాదారు అజిత్ దోవల్ (Ajith doval)తో సమావేశం కానున్నారు. ఈ సందర్భంగా ఇరు దేశాల సరిహద్దు సమస్యపై చర్చించన్నట్టు తెలుస్తోంది. భారత్ లోని చైనా రాయబారి జు ఫీహాంగ్ సైతం వాంగ్ యీ పర్యటనను ధ్రువీకరించారు. 2020లో సరిహద్దు ప్రతిష్టంభన ఏర్పడినప్పటి నుంచి కొనసాగుతున్న సైనిక, దౌత్య సంభాషణల నేపథ్యంలో ఈ చర్చలు కీలకమైనవిగా భావిస్తున్నారు. కాగా, రెండు దేశాలు ఉద్రిక్తతలను తగ్గించడానికి చర్యలు తీసుకుంటున్న విషయం తెలిసిందే.
Next Story
