ప్రధాని మోడీ సలహాతో 22 కిలోల బరువు తగ్గిన కేంద్ర మంత్రి..

దిశ, వెబ్‌డెస్క్: కేంద్ర గృహనిర్మాణ, పట్టణ వ్యవహారాల మంత్రిత్వ శాఖ సహాయ మంత్రి కౌశల్ కిషోర్ 22 కిలోల బరువు తగ్గారు. దీనికి సంబంధించిన ఫొటోలను ఆయన ట్విట్టర్‌లో పోస్ట్ చేసి.. ఇంతకు ముందు ఎలా ఉన్నారో.. ఇప్పుడు ఎలా ఉన్నారో చెప్పారు. ఈ క్రమంలో తాను 2021కి ముందు.. 96 కిలోలు ఉన్నానని పేర్కొన్నాడు. ప్రధాని నరేంద్ర మోడీ సలహా మేరకు ఆల్ ఇండియా ఇనిస్టిట్యూట్ ఆఫ్ ఆయుర్వేదంలో చేరానని, డాక్టర్లు సూచించిన రెగ్యులర్ డైట్‌ని అనుసరించడం వల్ల 22 కిలోలు తగ్గానని చెప్పుకొచ్చాడు.