యూనిఫాం సివిల్ కోడ్‌ బిల్లు.. ఆమోదం తెలిపిన అస్సాం అసెంబ్లీ

దిశ, వెబ్‌డెస్క్: దేశంలో ఉమ్మడి పౌరస్మృతి (UCC) అమలు దిశగా మరో కీలక అడుగు పడింది. అస్సాం శాసనసభ (Assam Assembly) ఇవాళ ఉమ్మడి పౌరస్మృతి బిల్లుకు అధికారికంగా ఆమోదం తెలిపింది. దీంతో దేశంలో ఈ చట్టాన్ని ఆమోదించిన రాష్ట్రాల జాబితాలో ఉత్తరాఖండ్‌, గుజరాత్‌ల తర్వాత అస్సాం మూడో రాష్ట్రంగా నిలిచింది. భారత రాజ్యాంగంలోని ఆర్టికల్-44 ప్రకారం.. దేశంలోని పౌరులందరికీ ఒకే విధమైన పౌర చట్టాన్ని వర్తింపజేయాలనేది ఈ బిల్లు యొక్క ముఖ్య ఉద్దేశం. మతం, కులం, వర్గంతో సంబంధం లేకుండా వివాహం, విడాకులు, ఆస్తి వారసత్వం, దత్తత వంటి వ్యక్తిగత విషయాలలో రాష్ట్రంలోని ప్రజలందరికీ ఇకపై ఒకే చట్టం వర్తించనుంది. గతంలో ఉత్తరాఖండ్, గుజరాత్ రాష్ట్రాలు ఈ బిల్లును ఆమోదించగా, ఇప్పుడు అస్సాం కూడా ఆ బాటలోనే పయనిస్తూ దేశంలో చర్చకు తెరలేపింది.