Trump: బిగ్ బ్యూటిఫుల్ బిల్లుకు ఆమోదం.. ట్రంప్‌కు భారీ విజయం

దిశ, నేషనల్ బ్యూరో: అమెరికా అధ్యక్షుడు డొనాల్డ్ ట్రంప్ (Donald Trump) తీసుకొచ్చిన బిగ్ బ్యూటిఫుల్ బిల్లు (Big beautiful bill) కు అమెరికా పార్లమెంట్ ఆమోదించింది. ఆ దేశ దిగువ సభలో దీనిపై ఓటింగ్ జరగగా బిల్లుకు మద్దతుగా 218 మంది ఓటు వేయగా, వ్యతిరేకంగా 214 మంది ఓటు వేశారు. దీంతో ఈ బిల్ పాస్ అవ్వగా ట్రంప్ సంతకం కోసం పంపించారు. ట్రంప్ సంతకం చేసిన అనంతరం ఇది చట్టంగా మారుతుంది. ట్రంప్ సొంత పార్టీకి చెందిన ఇద్దరు ఎంపీలు బిల్లుకు వ్యతిరేకంగా ఓటు వేసినట్టు సమాచారం. దీంతో వివాదాస్పదంగా మారిన ఈ బిల్లును ఆమోదించడంతో ట్రంపునకు బారీ విజయం సాధించినట్టు అయింది. అంతకుముందు బిల్లు సెనేట్ లో ఆమోదం పొందింది. కాగా, బిగ్ బ్యూటిఫుల్ బిల్లులో సైనిక వ్యయాన్ని పెంచడం, వలసదారుల బహిష్కరణకు నిధులు కేటాయించడం, పన్ను కోతలు సహా వివిధ కీలక అంశాలున్నాయి.