ఖరగ్‌పూర్ - భద్రక్ మార్గంలో ఇవాళ,రేపు రైళ్లు రద్దు

దిశ,వెబ్‌డెస్క్: ఒడిశా రైలు ప్రమాద ఘటనలో రైల్వే ట్రాక్ దెబ్బతినడంతో రైళ్ల రాకపోకలకు అంతరాయం ఏర్పడింది. రైల్వే ట్రాక్ పునరుద్ధరణ పనులు వేగవంతం అయ్యాయి. బాలేశ్వర్ సమీపంలో ట్రాక్ మరమత్తుల పనుల కారణంగా ఈ నిర్ణయం తీసుకున్నారు. ఈ రోజు కూడా పలు రైళ్లు రద్దయ్యాయి. ఖరగ్‌పూర్ - భద్రక్ మార్గంలో ఇవాళ, రేపు షెడ్యూల్ చేసిన రైళ్లు రద్దు చేశారు. ఈ మార్గంలో నడిచే పురూలియా -విల్లుపురం, ఎస్ఎంబీటీ బెంగళూరు -హావ్‌డా రైళ్లు రద్దు అయ్యాయి. ట్రాక్ పునరుద్ధరణ పనులను అశ్వనీ వైష్ణవ్ స్వయంగా పర్యవేక్షించారు. ఒడిశా రైలు ప్రమాదంపై అదానీ తీవ్ర విచారం వ్యక్తం చేశారు. తల్లి దండ్రులను కోల్పోయిన పిల్లల చదువుల బాధ్యతను అదానీ గ్రూప్ తీసుకుంటుందని ప్రకటించారు.