జల్లికట్టు పోటీల్లో అపశృతి.. 52 మందికి గాయాలు

దిశ, వెబ్‌డెస్క్: తమిళనాడులో సంక్రాంతి సంబరాలంటే గుర్తొచ్చేది జల్లికట్టు. తెలుగురాష్ట్రాల్లో సంక్రాంతి వేడుకల్లో కోడిపందేలు ఎంత ఫేమస్సో.. అక్కడ జల్లికట్టు అంత ఫేమస్. ఎద్దులతో యువకులు పోరాడి వాటిని ఆపడానికి చేసే ప్రయత్నాలను చూసేందుకు వేలాదిమంది ప్రజలు తరలివస్తారు. మదురైలోని అవనియాపురంలో గురువారం నిర్వహించిన జల్లికట్టు పోటీల్లో అపశృతి చోటుచేసుకుంది. 10వ రౌండ్లో ఎద్దులను ఆపేందుకు వెళ్లిన యువకుల్లో 54 మందికి గాయపడ్డారు. వారిలో 10 మంది పరిస్థితి విషమంగా ఉన్నట్లు తెలుస్తోంది. గాయపడినవారిలో ఎద్దుల పోరాట యోధులు27, వాటి యజమానులు 20, ప్రేక్షకులు ఏడుగురు ఉన్నట్లు సమాచారం. గాయపడినవారిని చికిత్స నిమిత్తం ఆస్పత్రికి తరలించారు.