రాష్ట్ర విద్యా విధానం (SEP)ను విడుదల చేయనున్న తమిళనాడు సీఎం

దిశ, వెబ్ డెస్క్: తమిళనాడు సీఎం ఎంకే స్టాలిన్ (CM MK Stalin) ఈ రోజు రాష్ట్ర విద్యా విధానం (SEP)ను విడుదల చేయనున్నారు. ఈ మేరకు అధికారులు చెన్నైలోని కోట్టూర్‌పురంలో ఉన్న అన్నా సెంటెనరీ లైబ్రరీ ఆడిటోరియంలో ఏర్పాట్లు చేశారు. ఈ రాష్ట్ర విద్యా విధానంను రాష్ట్ర ప్రభుత్వం ఏర్పాటు చేసిన కమిటీ రూపొందించింది. దీనికి రిటైర్డ్ హైకోర్టు న్యాయమూర్తి జస్టిస్ డి. మురుగేసన్ అధ్యక్షత వహించారు. ఈ కమిటీ 2024 లో నివేదికను సమర్పించింది. అప్పటి నుండి ఈ విధానం విడుదల, అమలు కోసం వేచి ఉంది. అయితే 2020లో కేంద్ర ప్రభుత్వం తీసుకొచ్చిన జాతీయ విద్యా విధానానికి వ్యతిరేకంగా పోరాడుతున్న తమిళనాడు ప్రభుత్వం ఈ రాష్ట్ర విద్యా విధానంను తీసుకొచ్చింది. మరికొద్ది సేపట్లో సీఎం స్టాలిన్ ఈ రాష్ట్ర విద్యా విధానానికి సంబంధించిన పూర్తి వివరాలను వెల్లడించనున్నారు.