పెళ్లి వేడుకలో ఆత్మాహుతి దాడి...ఐదుగురు మృతి!

దిశ, వెబ్ డెస్క్‌: పాకిస్తాన్ దేశంలో రోజుకో దారుణం జరుగుతోంది. ఏదో ఒక మూలన బాంబు బ్లాస్ట్ జరుగుతూనే ఉంది. అయితే తాజాగా ఓ ఆత్మాహుతి దాడి జరగగా ఏకంగా 5 మంది అమాయకులు మరణించారు. ఈ సంఘటన పాకిస్తాన్ లోని డేరా ఇస్మాయిల్ ఖాన్ జిల్లాలో చోటుచేసుకుంది. ఈ సంఘటన వివరాలు ఇలా ఉన్నాయి.

డేరా ఇస్మాయిల్ ఖాన్ జిల్లాలో తాజాగా ఓ పెళ్లి వేడుక జరిగింది. ఈ సందర్భంగా అందరూ సంతోషంగా గడుపుతూ పెళ్లి పనుల్లో మునిగిపోయారు. ఇలాంటి నేపథ్యంలో ఒక్కసారిగా బ్లాస్టింగ్ జరిగింది. ఈ పెళ్లిలో ఆత్మహృతి దాడికి పాల్పడ్డారు. ప్రో గవర్నమెంట్ కమ్యూనిటీ లీడర్ అలాం మెహ్‌సూద్ ఇంట్లో జరిగిన ఈ దాడిలో ఏకంగా ఐదుగురు అమాయకులు మరణించినట్లు వార్తలు వస్తున్నాయి.

మరో 25 మందికి తీవ్ర గాయాలు కూడా జరిగాయి. క్షతగాత్రులను వెంటనే ఆసుపత్రికి తరలించారు అధికారులు. ఇక ఈ దాడికి సంబంధించి ఏ ఉగ్రవాద గ్రూప్ కూడా ప్రకటన చేయలేదు. అయితే తెహ్రిక్-ఇ తాలిబన్ పాకిస్థాన్ (TTP) ఈ దాడి చేసి ఉండవచ్చని అధికారులు అంచనా వేస్తున్నారు. ఈ సంఘటనపై ఇంకా వివరాలు తెలియాల్సి ఉంది.