రాఫెల్ యుద్ధ విమానంలో విహరించిన రాష్ట్రపతి ద్రౌపది ముర్ము

దిశ, వెబ్ డెస్క్: భారత రాష్ట్రపతి ద్రౌపది ముర్ము (Draupadi's Murmu) రాఫెల్ యుద్ధ విమానం(Rafale fighter jet)లో విహరించారు. హర్యానాలోని అంబాలా వైమానిక స్థావరం (Ambala Air Base)లో దేశ రక్షణ దళాల సుప్రీం కమాండర్‌గా ఆమె ఈ సారిబంధన(sortie)లో పాల్గొన్నారు. ఇది భారత్‌లో చారిత్రాత్మక ఘట్టంగా నిలిచింది. రాఫెల్ విమాన సారథ్యంలో జరిగిన ఈ ప్రయాణం భారత వైమానిక దళం యొక్క సామర్థ్యాన్ని, సాంకేతిక శక్తిని ప్రతిబింబించిందని అధికారులు తెలిపారు. ఈ సందర్భంగా రాష్ట్రపతి ముర్ము యుద్ధ విమాన సిబ్బందితో మాట్లాడి వారి సేవలను ప్రశంసించారు.

ఈ సందర్భంగా భారత వైమానిక దళ చీఫ్ ఎయిర్ చీఫ్ మార్షల్ ఏపీ సింగ్ (AP Singh) కూడా మరో రాఫెల్ విమానంలో ఎగురుతూ కార్యక్రమంలో పాల్గొన్నారు. రాష్ట్రపతిని తీసుకెళ్లిన రాఫెల్ విమానాన్ని గ్రూప్ కెప్టెన్ అమిత్ గెహానీ నడిపారు. ఆయన అంబాలాలోని నంబర్ 17 స్క్వాడ్రన్ “గోల్డెన్ యారోస్”కు కమాండింగ్ ఆఫీసర్. దేశ రక్షణ సిద్ధతను ప్రపంచానికి చూపడమే కాకుండా, యువతలో ముఖ్యంగా మహిళల్లో సైనిక రంగంపై ఆసక్తి పెంచడానికి ఈ యాత్ర ప్రేరణాత్మకంగా ఉందని రక్షణ మంత్రిత్వ శాఖ ప్రకటించింది.