నౌకాదళ దినోత్సవం వేళ ప్రధాని మోడీ, రాష్ట్రపతి, ఉపరాష్ట్రపతి శుభాకాంక్షలు

దిశ, వెబ్ డెస్క్: ఈ రోజు భారత నౌకాదళ దినోత్సవం సందర్భంగా ప్రధాని నరేంద్ర మోడీ, నేవీ డే (నౌకాదళ దినోత్సవం) సందర్భంగా ఇండియన్ నేవీ సిబ్బందికి శుభాకాంక్షలు తెలిపారు. "ఇండియన్ నేవీ సిబ్బంది అందరికీ నౌకాదళ దినోత్సవ శుభాకాంక్షలు. ఈ మేరకు ఎక్స్ వేదికగా ట్వీట్ చేసిన ప్రధాని.."మన నౌకాదళం అపారమైన ధైర్యం, సంకల్పానికి పర్యాయపదంగా ఉంది. వారు మన తీరాలను కాపాడుతారు. మన సముద్ర ప్రయోజనాలను నిలబెడతారు," అని ఆయన ట్వీట్ చేశారు. ఇటీవలి సంవత్సరాలలో భారత నౌకాదళం ఆత్మ నిర్భరత (Self-Reliance), ఆధునికీకరణ పై దృష్టి సారించిందని మోదీ ప్రశంసించారు. ఇది మన భద్రతా వ్యవస్థను మెరుగుపరిచిందని ఆయన పేర్కొన్నారు.

ఇదిలా ఉంటే నేవీ డే సందర్భంగా రాష్ట్రపతి ద్రౌపది ముర్ము, ఉపరాష్ట్రపతి రాధాకృష్ణన్ శుభాకాంక్షలు తెలుపు ట్వీట్ చేశారు. రాష్ట్రపతి తన ట్వీట్‌లో "భారతదేశం నౌకాదళ దినోత్సవం జరుపుకుంటున్న సందర్భంగా, ఇండియన్ నేవీ సిబ్బందికి, అనుభవజ్ఞులు (veterans), వారి కుటుంబాలకు ప్రముఖులు ఘనంగా శుభాకాంక్షలు తెలిపారు. ధైర్యం, అప్రమత్తత, అచంచలమైన నిబద్ధతతో మన సముద్ర సరిహద్దులను, జాతీయ ప్రయోజనాలను కాపాడే ధీర పురుషులకు, మహిళలకు దేశం సెల్యూట్ చేస్తుంది," అని రాష్ట్రపతి తన సందేశంలో పేర్కొన్నారు.

అలాగు ఉప రాష్ట్రపతి రాధకృష్ణన్ తన ట్వీట్‌లో "మన నౌకాదళం భారతదేశం సముద్ర శక్తి, అప్రమత్తత, జాతీయ ప్రయోజనాలను కాపాడే నిబద్ధతకు ప్రతీకగా నిలుస్తోంది. వాణిజ్య మార్గాలను సురక్షితం చేయడం, నీలి ఆర్థిక వ్యవస్థను (Blue Economy) బలోపేతం చేయడం, మానవతావాద మిషన్లకు నాయకత్వం వహించడం వంటి అంశాలలో భారత నౌకాదళం క్రమశిక్షణ, కరుణ, బాధ్యతను ప్రతిబింబిస్తుంది. "మన విశాలమైన తీరప్రాంతాలను సురక్షితంగా ఉంచడం నుండి హిందూ మహాసముద్ర ప్రాంతంలో అంతకు మించి శాంతి, స్థిరత్వాన్ని నిర్ధారించడం వరకు, ఇండియన్ నేవీ అత్యున్నత స్థాయి వృత్తి నైపుణ్యం, ధైర్యం, సేవలను కొనసాగిస్తోంది" అని ఉప రాష్ట్రపతి రాధాకృష్ణన్ రాసుకొచ్చారు.