గల్ఫ్ దేశాధినేతలకు ప్రధాని మోడీ ఫోన్

దిశ, వెబ్‌డెస్క్: యుద్ధ వాతావరణం మరింత ముదురుతున్న వేళ గల్ఫ్ దేశాధినేతలకు ప్రధాని నరేంద్ర మోడీ(PM Modi) ఫోన్ చేశారు. ఆయా దేశాల్లో చిక్కుకుపోయిన భారతీయుల భద్రతపై చర్చించారు. ఈ సందర్భంగా గల్ఫ్ దేశాల నేతలకు కీలక సూచనలు చేశారు. పశ్చిమాసియాలో నెలకొన్న ప్రస్తుత పరిస్థితులు అత్యంత ఆందోళనకరమని పేర్కొన్న మోడీ, భారత్ ఎప్పుడూ శాంతినే కాంక్షిస్తుందని స్పష్టం చేశారు. "ఎటువంటి వివాదాలనైనా దౌత్యపరమైన చర్చల ద్వారానే పరిష్కరించుకోవాలని భారత్ గట్టిగా విశ్వసిస్తుంది" అని ఆయన పునరుద్ఘాటించారు. ఈ క్లిష్ట సమయంలో అన్ని పక్షాలు సంయమనం పాటించాలని ఆయన కోరారు. యుద్ధ మేఘాలు కమ్ముకున్న ప్రాంతాల్లో ఉన్న వేలాది మంది భారతీయ పౌరుల భద్రత గురించి ప్రధాని ప్రస్తావించారు. వారి క్షేమాన్ని పర్యవేక్షించేందుకు మరియు రక్షణ కల్పించేందుకు ఆయా దేశాలతో నిరంతరం సంప్రదింపులు జరుపుతున్నామని, భారతీయుల భద్రత తమ ప్రథమ ప్రాధాన్యత అని ఆయన వెల్లడించారు.

ప్రపంచ శాంతికి విఘాతం కలిగిస్తున్న ఉగ్రవాదం కేవలం భారత్, కెనడాలకే కాకుండా మొత్తం మానవాళికే పెను సవాలుగా మారిందని ప్రధాని మోడీ అభిప్రాయపడ్డారు. వీటిని అణచివేసేందుకు ప్రపంచ దేశాలన్నీ ఏకం కావాలని వారు పిలుపునిచ్చారు.