జహంగీర్‌పుర్ స్లమ్ ఏరియాలో భారీ అగ్ని ప్రమాదం (వీడియో)

దిశ, వెబ్‌డెస్క్: ఢిల్లీలోని జహంగీర్‌పుర్ స్లమ్ ఏరియాలో భారీగా మంటలు చేలరేగాయి. దీంతో భయంతో ప్రజలు ఇళ్ల నుంచి సామాను తీసుకుని పరుగులు తీశారు. ఈ ప్రమాదం గురించి సమాచారం అందుకున్న అగ్నిమాపక సిబ్బంది. 12 ఫైరింజన్లు సహాయంతో మంటలను అదుపు చేసేందుకు ప్రయత్నిస్తున్నారు. ఈ ప్రమాదం గురించి ఓ ఫైర్ అధికారి మాట్లాడుతూ.. మురికివాడల్లో అగ్నిప్రమాదం గురించి మాకు సమాచారం అందింది.

11-12 అగ్నిమాపక యంత్రాలు సంఘటనా స్థలానికి చేరుకున్నాయి. చెత్త పడి ఉన్న బహిరంగ ప్రదేశంలో మంటలు చెలరేగినట్లు గుర్తించాము. మంటలను అదుపు చేసేందుకు ప్రయత్నిస్తున్నాము. అలాగే ఆ ప్రాంతంలో ఉన్న వారిని ఇళ్ల నుంచి ఖాళీ చేయించాము. మంటలను అదుపు చేసేందుకు మరింత సమయం పట్టే అవకాశం ఉందని.. , ఢిల్లీ ఫైర్ సర్వీస్ అసిస్టెంట్ డివిజనల్ అధికారి రాజీవ్ కుమార్ సిన్హా తెలిపారు.