ఆనందంతో కళ్లలో నీళ్లు తిరిగాయి.. ఆకాష్ సిస్టం సృష్టికర్త భావోద్వేగం

దిశ, నేషనల్ బ్యూరో: భారత్‌పై పాక్ ప్రయోగించిన డ్రోన్లు, మిసైల్స్‌ను కూల్చివేయడంలో ఆకాష్ ఎయిర్ డిఫెన్స్ వ్యవస్థ కీలకపాత్ర పోషించింది. పూర్తిగా స్వదేశీ పరిజ్ఞానంతో తయారు చేసిన ఈ ఆకాష్ వ్యవస్థ వెనుక డీఆర్‌డీవో మాజీ శాస్త్రవేత్త డాక్టర్ ప్రహ్లాద రామారావు 15 ఏళ్ల కృషి ఉంది. ఆకాష్ సిస్టం అభివృద్ధి చేసిన టీంలోకి రామారావును స్వయంగా భారత ‘మిసైల్ మ్యాన్’ ఏపీజే అబ్దుల్ కలాం ఎంపిక చేశారు. ప్రస్తుతం 78 ఏళ్ల ఆయన.. ఈ ప్రాజెక్టు చేపట్టిన బృందంలో అత్యంత చిన్న వయసు వాడు కావడం గమనార్హం.

ఇప్పుడు పాకిస్తాన్ డ్రోన్లు, మిసైల్స్‌ను ఆకాష్ వ్యవస్థ తుత్తునియలు చేసిందని తెలియడం సంతోషంగా ఉందని డాక్టర్ ప్రహ్లాద రామారావు అన్నారు. ‘నా బిడ్డ ఇంత కచ్చితంగా, అందంగా శత్రులక్ష్యాలను ఛేదించడం చూశా. నిజంగా ఇది నా జీవితంలో అత్యంత సంతోషకరమైన రోజు. ఇంత అద్భుతంగా ఆకాష్ సిస్టం పనిచేయడం చూసి నా కళ్లలో నీళ్లు తిరిగాయి’ అంటూ భావోద్వేగానికి గురయ్యారు.