మహిళలకు గుడ్ న్యూస్.. ఫ్రీ ఐవీఎఫ్ ట్రీట్మెంట్ అందిస్తున్న ప్రభుత్వం..

దిశ, వెబ్ డెస్క్: గోవా రాష్ట్ర ప్రభుత్వం మహిళలకు గుడ్ న్యూస్ చెప్పింది. ఆరోగ్య మంత్రి విశ్వజిత్ రాణే నేతృత్వంలో మహిళలకు ఇన్ విట్రో ఫెర్టిలైజేషన్ (IVF) చికిత్సను ఉచితంగా అందించే కార్యక్రమాన్ని ప్రారంభించింది. ఆర్థిక సమస్యలతో సంతానోత్పత్తి చికిత్సకు నోచుకోని వారికి సహాయం చేయడానికి ఈ నిర్ణయం తీసుకుంది. ఇందుకు కార్పొరేట్ సోషల్ రెస్పాన్సిబిలిటీ (CSR) ప్రోగ్రాముల ద్వారా నిధులు సమకూర్చబడగా.. ఈ ప్రయత్నం భారతదేశంలోని ఇతర రాష్ట్రాలకు మార్గదర్శకం కానుంది. అధునాతన సంతానోత్పత్తి చికిత్స సామాన్యులకు అందుబాటులోకి రావడానికి ఒక గ్లోబల్ ట్రెండ్‌ను ప్రతిబింబిస్తుంది.

కాగా భారతదేశంలో గర్భధారణ రేట్లు తగ్గుతున్నాయి. 2019-21 జాతీయ కుటుంబ ఆరోగ్య సర్వే (NFHS-5) ప్రకారం 2.1 నుంచి 2.0కి క్రిందికి పడిపోయాయి. ప్రభుత్వ విధానాలు, సామాజిక-ఆర్థిక మార్పులు, కుటుంబ ప్రణాళికపై మారుతున్న సాంస్కృతిక నాగరికతల వల్ల ఇలా జరుగుతోంది. ప్రపంచవ్యాప్తంగానూ సంతానోత్పత్తి రేటు తగ్గుతుండగా.. ఆయా దేశాలు పునరుత్పత్తి రేటు పెంచేందుకు చర్యలు తీసుకుంటున్నాయి.