PM కిసాన్ లిస్టులో మీ పేరు లేదా? కారణం ఇదే

దిశ, వెబ్ డెస్క్ : రైతులకు ఏడాదికి ఒక ఎకరానికి రూ.6 వేల చొప్పున ఆర్థిక సహాయం అందించే PM కిసాన్ సమ్మాన్ నిధి పథకం గురించి తెలిసిందే. అయితే ఇటీవల ఈ పథకం కింద లబ్ది పొందుతున్న లక్షలాది మంది రైతులను తొలగించారనే భారీగా ఆరోపణలు వచ్చాయి. అయితే ఈ ప్రచారంపై కేంద్ర ప్రభుత్వం వివరణ ఇచ్చింది. PM కిసాన్ సమ్మాన్ నిధి పథకం గైడ్ లైన్స్ ప్రకారం.. 2019 ఫిబ్రవరి 1 తర్వాత భూమి కొన్న వారికి ఈ స్కీమ్ వర్తించదని వివరణ ఇచ్చింది.

అలాగే ఒకే ఫ్యామిలీ నుంచి భర్త, భార్య, పిల్లలు వేర్వేరుగా లబ్ది పొందుతున్నట్టు గుర్తించామని, అలాంటి వారికి తాత్కాలికంగా ఈ పథకాన్ని నిలిపివేశామని స్పష్టం చేసింది. అయితే వీరందరికీ మరోసారి ఫిజికల్ వెరిఫికేషన్ నిర్వహిస్తామని, అందులో అర్హులని తేలితే మళ్ళీ జాబితాలో చేర్చుతామని తెలిపింది. అయితే అనర్హులని తేలితే ఇప్పటివరకు లబ్ది పొందిన మొత్తాన్ని తిరిగి కట్టేలా ఆదేశాలు జారీ చేస్తామని పేర్కొంది.