13,700 అడుగుల ఎత్తులో ఎయిర్‌ఫీల్డ్.. సైన్యానికి కీలకం!

దిశ, నేషనల్ బ్యూరో: చైనా సరిహద్దుకు సమీపంలో లద్దాఖ్‌లో ఏకంగా 13,700 అడుగుల ఎత్తులో నిర్మించిన ఎయిర్‌ఫీల్డ్.. భారత రక్షణ విభాగానికి అందుబాటులోకి వచ్చింది. ఈ ఎయిర్ ఫీల్డ్ పూర్తి ఆపరేషనల్‌గా మారినట్లు రక్షణ వర్గాలు తెలిపాయి. న్యోమా అడ్వాన్స్‌డ్ ల్యాండింగ్ గ్రౌండ్ (ఏఎల్‌జీ) ఇప్పుడు భారత సేనలకు పూర్తిస్థాయిలో సేవలందిస్తుందని రక్షణ రంగం తెలిపింది. చైనా సరిహద్దుకు అత్యంత సమీపంలో ఉన్న ఈ ఎయిర్‌ఫీల్డ్.. డిఫెన్స్ కనెక్టివిటీకి కీలకం కానుందని నిపుణులు చెప్తున్నారు. 2021లో రూ.214 కోట్ల విలువైన ఈ ప్రాజెక్టును కేంద్ర ప్రభుత్వం అనుమతించింది. చైనా సరిహద్దుకు దగ్గరలో ఇంత ఎత్తులో ఉన్న ఈ ఎయిర్‌ఫీల్డ్.. వ్యూహాత్మకంగా చాలా కీలకంగా మారుతుందని నిపుణులు చెప్తున్నారు. దీన్ని ర్యాపిడ్ రెస్పాన్స్ బేస్‌గా ఉపయోగించవచ్చని తెలిపారు.