భలే ఐడియా ఈ స్మార్ట్ రీసైక్లింగ్.. ప్లాస్టిక్ ఇస్తే బ్యాగ్ ఫ్రీ

దిశ, డైనమిక్ బ్యూరో: పెరిగిపోతున్న ప్లాస్టిక్ వినియోగం రోజు రోజుకు పర్యావరణానికి పెను సవాలుగా మారుతోంది. ఆధునిక జీవనశైలిలో మానవులకు ప్లాస్టిక్ ఇప్పుడు ఓ నిత్యావసర వస్తువుగా మారిపోయింది. దీంతో అనేక పర్యాటక ప్రాంతాల్లో ప్లాసిక్ వ్యర్థాలు కుప్పులు తెప్పలుగా పేరుకుపోతున్నాయి. ఈ సమస్యకు చెక్ పెడుతూ ప్రజల్లో పర్యావరణం పట్ల అవగాహన కల్పించేలా చెన్నైలోని ప్రముఖ మెరీనా బీచ్‍లో వినూత్న ప్రయోగం అందరినీ ఆకట్టుకుంటోంది. ప్లాసిక్ బాటిల్ డిపాజిట్ చేస్తే ఉచితంగా ఎకో-ఫ్లెండ్లీ బ్యాగ్‍లు ఇచ్చేలా సరికొత్త మిషన్ ను బీచ్ లో ఏర్పాటు చేశారు.

గుడ్ రెస్పాన్స్:

దీంతో ఇప్పుడు బీచ్ కు వస్తున్న పర్యాటకులు తమ వద్ద ఉన్న ప్లాస్టిక్ బాటిల్స్ అక్కడా ఇక్కడా పారేయకుండా ఈ మిషన్ వద్ద డిపాజిట్ చేసి ఉచితంగా పర్యావరణ సరిత బ్యాగులు తీసుకుంటున్నారు. ఇందుకు సంధించిన వీడియో ప్రస్తుతం సోషల్ మీడియాలో వైరల్ అవుతుండగా నెటిజన్లు స్పందిస్తూన్నారు. ఇలాంటి 'స్మార్ట్' రీసైక్లింగ్ పద్దతులు దేశంలోని మిగతా అన్ని నగరాల్లో ఏర్పాటు చేయాలని కోరుతున్నారు.