యూఎస్ డీల్‌లో న్యాయం లేదు.. సీజ్‌ఫైర్ డీల్‌ను రిజెక్ట్ చేసే యోచనలో హమాస్!

దిశ, నేషనల్ బ్యూరో: యూఎస్ ప్రతిపాదించిన సీజ్‌ఫైర్ ఒప్పందం న్యాయంగా లేదని హమాస్ నేతలు భావిస్తున్నారు. ఈ ఒప్పందంలో న్యాయం లేదని, దీని వల్ల గాజాలో అమాయకుల చావులు ఆగవని వారు అంటున్నారు. అయితే ఇప్పటికే ఈ ఒప్పందానికి ఇజ్రాయెల్ అంగీకరించిందని యూఎస్ వెల్లడించిన సంగతి తెలిసిందే. కానీ ఈ ఒప్పందం యుద్ధాన్ని ఆపడంతోపాటు తమ ప్రజలు చేస్తున్న ఏ ఇతర డిమాండ్లను తీర్చడం లేదని హమాస్ పొలిటికల్ బ్యూరో సభ్యుడు బసీమ్ నైమ్ అన్నారు. అయితే తాము ఈ ప్రతిపాదనను పరిశీలిస్తున్నామని ఆయన చెప్పారు. కాగా, ఈ ఒప్పందాన్ని అంగీకరించడానికి తాము సుముఖంగా లేమని, దీన్ని రిజెక్ట్ చేయాలని అనుకుంటున్నామని హమాస్ వర్గాలంటున్నాయి.