మద్యం ప్రియులకు భారీ గుడ్ న్యూస్..!

దిశ, వెబ్‌డెస్క్: ఇండియాలోని కూల్ డ్రింక్స్ మార్కెట్ లో అగ్ర గ్రామిగా ఉన్న కోకా కోలా సంస్థ ఇకపై మందుబాబులకు కూడా అందుబాటులో ఉండనుంది. కోకా కోలా మొదటిసారిగా ఇండియాలో మద్యం మార్కెట్‌లోకి ప్రవేశించింది. తన లిక్కర్ బ్రాండ్ ‘లెమన్- డౌ’ ను తాజాగా విడుదల చేసింది. ప్రస్తుతానికి పైలెట్ ప్రాజెక్ట్‌గా గోవా, మహారాష్ట్రలో విడుదల చేసింది. అక్కడి స్పందనను బట్టి దేశమంతా ఈ బ్రాండ్‌ను విడుదల చేయబోతుందట. ఇప్పుడు గోవాలో 250 ఎమ్‌ఎల్ క్యాన్ ధర రూ.150 కాగా, మహారాష్ట్రలో రూ.230 గా ఉంది. ఈ రెండు చోట్లా టెస్టింగ్ చేసిన తర్వాత మద్యం మిక్సింగ్‌లో ఏమైనా మార్పులు చేయాలో, లేదో పరీక్షించుకుని పూర్తి స్థాయిలో రిలీజ్ చేయాలని కోకా కోలా ఇండియా భావిస్తుందట. ఈ ‘లెమన్- డౌ’ ను కోకా కోలా కంపెనీ 2018లో జపాన్‌లో విడుదల చేసింది. ప్రస్తుతం ఈ బ్రాండ్ జపాన్, ఫిలిప్పీన్స్, చైనా వంటి దేశాల్లో మాత్రమే అందుబాటులో ఉంది. ఇప్పుడు ఇండియాకు కూడా పరిచయమైంది. ఇండియాలో మద్యం మార్కెట్ రాబోయే 5 ఏళ్లలో భారత్‌లో మద్యం మార్కెట్ 64 బిలియన్ డాలర్లకు పెరుగుతుందని ఇంటర్నేషనల్ స్పిరిట్స్ అండ్ వైన్స్ అసోషియేషన్ ఆఫ్ ఇండియా అంచనా వేస్తుంది.