సినీఫక్కీలో చేజింగ్.. ఎదురు కాల్పుల్లో గ్యాంగ్ స్టర్ హతం

దిశ, వెబ్ డెస్క్ : ఓ గ్యాంగ్ స్టర్ ను అరెస్ట్ చేసేందుకు సినీఫక్కీలో ఛేజింగ్ చేయాల్సి వచ్చింది. చివరకి గ్యాంగ్ స్టర్, అతని బృందం కాల్పులు జరపడంతో పోలీసులు కూడా ఎదురు కాల్పులు జరపాల్సి వచ్చింది. కాగా ఈ కాల్పుల్లో ఓ కరుడు గట్టిన నేరస్తుడు మృతి చెందాడు. ఉత్తర్‌ప్రదేశ్‌లోని బిదోలీ సమీపంలోని దట్టమైన అడవుల్లో అర్ధరాత్రి బవేరియా గ్యాంగ్ లీడర్ మిథున్ తోపాటు, అతని అనుచరులు ఉన్నట్టు సమాచారం అందింది. అయితే పోలీసులు చుట్టుముట్టగానే వారంతా పారిపోయేందుకు ప్రయత్నం చేసారు.

ఈ క్రమంలో పోలీసుల మీదికి విచక్షణా రహితంగా కాల్పులు జరిపారు. ఆ కాల్పుల్లో మిథున్ హతం కాగా, అతని అనుచరులు తప్పించుకున్నారు. కాగా ఈ చేజింగ్, ఎదురు కాల్పుల్లో ఒక కానిస్టేబుల్ గాయపడగా, మరో పోలీస్ ఇన్‌స్పెక్టర్ తృటిలో ప్రాణాలతో బయటపడ్డారని సమాచారం.