Fire Accident: జమ్మూ కశ్మీర్‌లో భారీ అగ్నిప్రమాదం
దిశ, వెబ్ డెస్క్: జమ్మూ కశ్మీర్‌లో శనివారం రాత్రి భారీ అగ్నిప్రమాదం జరిగింది. గందర్‌బాల్ జిల్లాలోని సోనామార్గ్ మార్కెట్లోని ఓ హోటల్‌లో ప్రమాదవశాత్తు ఒక్కసారిగా మంటలు చెలరేగాయి. ఆ మంటలు పక్కనే వరుసగా ఉన్న 50 షాపులు, రెస్టారెంట్లకు వ్యాపించాయి. సమాచారం అందుకున్న ఫైర్ సిబ్బంది ఘటనాస్థలికి చేరుకుని మంటలను అదుపు చేసేందుకు ప్రయత్నిస్తున్నారు. ఈ ఘటనలో భారీగా ఆస్తి నష్టం జరిగినట్లు తెలుస్తోంది. ఘటనకు సంబంధించిన పూర్తి వివరాలు తెలియాల్సి ఉంది.
అయితే, ఈ ప్రాంతంలో తరచూ ఇలాంటి అగ్ని ప్రమాదాలు చోటుచేసుకుంటున్నాయని వ్యాపారులు వాపోతున్నారు. పైగా ఇక్కడ అగ్నిమాపక యూనిట్ లేకపోవటంతో.. దాదాపు 20-40 కిలో మీటర్ల దూరంలో ఉన్న గుండ్, కంగన్ ప్రాంతాల నుంచి ఫైర్ ఇంజిన్లు వచ్చే సరికి భారీ నష్టం జరుగుతుందని వ్యాపారులు ఆందోళన వ్యక్తం చేస్తున్నారు. వెంటనే ప్రభుత్వం స్పందించి ఇక్కడ ఫైర్ స్టేషన్ ఏర్పాటు చేయాలని డిమాండ్ చేస్తున్నారు.
