రాహుల్‌ను Congress నుంచి బహిష్కరించాలి !

న్యూఢిల్లీ: కాంగ్రెస్ నేత రాహుల్ గాంధీ వ్యాఖ్యలపై బీజేపీ మండిపడింది. చైనా విషయంలో కేంద్ర వైఖరిపై చేసిన వ్యాఖ్యలకు రాహుల్‌ను పార్టీ నుంచి బహిష్కరించాలని బీజేపీ డిమాండ్ చేసింది. శనివారం బీజేపీ ప్రతినిధి గౌరవ్ భాటియా మాట్లాడారు. ఒకవేళ కాంగ్రెస్ చీఫ్ మల్లిఖార్జున్ ఖర్గే రిమోట్ కంట్రోల్ నేత కాకున్నా లేదా ప్రతిపక్షం దేశ పక్షాన నిలచుంటే వెంటనే రాహుల్‌ను పార్టీ నుంచి బహిష్కరించాలని డిమాండ్ చేశారు. ఆయన వ్యాఖ్యలు దేశాన్ని తక్కువ చేయడమే కాకుండా సైనికుల నైతికతను విభజించేలా ఉన్నాయని ఆరోపించారు. అంతకుముందు జోడోయాత్రలో రాహుల్ మాట్లాడుతూ..చైనా సరిహద్దుల్లో యుద్ధానికి సన్నద్ధం అవుతుంటే, కేంద్ర పట్టించుకోకుండా నిద్రపోతుందని ఆరోపించారు. దీంతో రాహుల్‌పై బీజేపీ మండిపడింది.