యూపీలో ఎన్కౌంటర్: లారెన్స్ బిష్ణోయ్ గ్యాంగ్కి భారీ షాక్.. షార్ప్షూటర్ హతం!
ఉత్తరప్రదేశ్లోని హాపూర్ జిల్లాలో బుధవారం అర్ధరాత్రి ఉత్కంఠభరిత ఎన్కౌంటర్ చోటుచేసుకుంది.
దిశ, వెబ్ డెస్క్: ఉత్తరప్రదేశ్లోని (Uttarpradesh) హాపూర్ జిల్లాలో బుధవారం అర్ధరాత్రి ఉత్కంఠభరిత ఎన్కౌంటర్ (Encounter) చోటుచేసుకుంది. ఈ ఘటనలో లారెన్స్ బిష్ణోయ్ గ్యాంగ్కు (Lawrence Bishnoi Gang) చెందిన ప్రఖ్యాత షార్ప్షూటర్ నవీన్ కుమార్ (37) (Naveen kumar) మృతి చెందాడు. ఈ ఆపరేషన్ను యూపీ స్పెషల్ టాస్క్ ఫోర్స్ (UP STF), ఢిల్లీ పోలీస్ స్పెషల్ సెల్ సంయుక్తంగా నిర్వహించాయి. హాపూర్ కోత్వాలీ పోలీస్ స్టేషన్ పరిధిలో, ఇంటెలిజెన్స్ ఆధారంగా పోలీసులు నిందితులపై దాడి చేశారు. ఈ దాడిలో భాగంగా పోలీసులు ముఠా సభ్యులను అడ్డగించగా, వారు కాల్పులకు తెగబడ్డారు. ఎదురుకాల్పులు జరగగా, నవీన్ కుమార్ తీవ్రంగా గాయపడ్డాడు. ఆసుపత్రికి తరలిస్తుండగా మార్గమధ్యంలోనే ఆయన మరణించాడు.
గాజియాబాద్ జిల్లాలోని లోనీ ప్రాంతానికి చెందిన నవీన్ కుమార్పై హత్య, హత్యాయత్నం, అపహరణ, దోపిడీ, మహారాష్ట్ర ఆర్గనైజ్డ్ క్రైమ్ కంట్రోల్ యాక్ట్ (MCOCA) కింద 20కి పైగా తీవ్రమైన కేసులు నమోదయ్యాయి. లారెన్స్ బిష్ణోయ్ ముఠాలో ఆయన కీలక పాత్ర పోషించేవాడు. అతడు హషీం బాబా అనే గ్యాంగ్ కీలక సభ్యుడితో సన్నిహితంగా ఉండేవాడని సమాచారం. హాపూర్కు చేరుకొని నేరచర్యలు చేపట్టాలని యత్నిస్తున్నట్టు ఇంటెలిజెన్స్ సమాచారం అందినట్టు యూపీ ఎస్టీఎఫ్ అదనపు ఎస్పీ ఆర్.కే. మిశ్రా తెలిపారు. ఈ మేరకు సంయుక్త బృందం తనిఖీలు చేపట్టి ఎన్కౌంటర్కు దారితీసింది. నవీన్ కుమార్ మృతి వల్ల లారెన్స్ బిష్ణోయ్ గ్యాంగ్కు పశ్చిమ యూపీ మరియు ఢిల్లీ-ఎన్సీఆర్ ప్రాంతాల్లో భారీ ఎదురుదెబ్బ తగిలిందని అధికారులు వెల్లడించారు.
