బీహార్ అసెంబ్లీ ఎన్నికలు.. ఏఐ వీడియోల ఉపయోగంపై ఎన్నికల సంఘం కీలక ఆదేశాలు

దిశ, వెబ్ డెస్క్: ఇటీవల కాలంలో ఏఐ వీడియోల ఉపయోగం (Use of AI videos) ప్రపంచవ్యాప్తంగా అధికం అయింది. ఏది ఒరిజినల్ వీడియోనో.. ఏది ఏఐ వీడియోను గుర్తు పట్టలేనంతగా అనేక వీడియోలు వైరల్ అవుతున్నాయి. అయితే ఈ ఏఐ వీడియోల ప్రభావం (impact of AI videos) భారతదేశంలో అధికంగా ఉంది. ముఖ్యంగా రాజకీయ పరంగా ఈ ఏఐ వీడియోలను ఆయా పార్టీల నేతలు తమ స్వార్థం కోసం ఉపయోగిస్తున్నారు. దీంతో బీహార్ అసెంబ్లీ ఎన్నికల (Bihar Assembly Elections) వేళ ఈ ఏఐ వీడియోల వినియోగం అధికం అయింది. దీంతో ఎన్నికల సంఘం (Election Commission) అప్రమత్తమై ఏఐ వీడియోల ఉపయోగంపై కీలక ఆదేశాలు జారీ చేసింది. రాజకీయ పార్టీలు/ అభ్యర్థులను లక్ష్యంగా చేసుకుని కృత్రిమ వీడియోల కోసం కృత్రిమ మేధస్సు ఉపయోగించడంపై మోడల్ ప్రవర్తనా నియమావళి, సంబంధిత మార్గదర్శకాలను పాటించాలని ECI ఆదేశించింది.

సోషల్ మీడియా ప్లాట్‌ఫామ్‌లపై సమాచారాన్ని వక్రీకరించే, తప్పుడు సమాచారాన్ని ప్రచారం చేసే ఫేక్ వీడియోల (Fake videos)ను సృష్టించడానికి కృత్రిమ మేధస్సు ఆధారిత సాధనాలను దుర్వినియోగం చేయవద్దని ఎన్నికల కమిషన్ (Election Commission) సూచించింది. అన్ని రాజకీయ పార్టీలు, వాటి నాయకులు, అభ్యర్థులు, స్టార్ క్యాంపెయినర్లు తమ సోషల్ మీడియా ప్లాట్‌ఫామ్‌ల ద్వారా లేదా "అల్-జనరేటెడ్", "డిజిటల్‌గా ఎన్‌హాన్స్‌డ్" లేదా "సింథటిక్ కంటెంట్" వంటి స్పష్టమైన సంకేతాలను ఉపయోగించి ప్రకటనల రూపంలో ఆల్-జనరేటెడ్/సింథటిక్ కంటెంట్‌ను ప్రముఖంగా లేబుల్ చేయడానికి అవసరమైన చర్యలు తీసుకోవాలని ఎన్నికల సంఘం సూచించింది. ఎన్నికల వాతావరణం దెబ్బతినకుండా చూసుకోవడానికి సోషల్ మీడియా పోస్ట్‌లపై కఠినమైన నిఘా ఉంచబడినట్లు ఈ సందర్భంగా ఎన్నికల సంఘం హెచ్చరికలు జారీ చేసింది.