సీసీటీవీ ఫుటేజీ విషయంపై సుప్రీంకోర్టు తీర్పు వచ్చాకే సమాధానం: ఈసీ

దిశ, నేషనల్ బ్యూరో: పోలింగ్ బూత్‌ల సీసీటీవీ ఫుటేజీలను 45 రోజులకు మించి స్టోర్ చేయకూడదని ఎన్నికల సంఘం (ఈసీ) నిర్ణయించిన సంగతి తెలిసిందే. దీనిపై విపక్ష నేత రాహుల్ గాంధీ తీవ్ర విమర్శలు చేశారు. ఈ క్రమంలో ఇలా సీసీటీవీ ఫుటేజిని 45 రోజుల్లో డిలీట్ చేసేయాలనే నిర్ణయం ఎందుకు తీసుకున్నారో కారణాలు కోసం ఈసీనీ పలువురు సామాజిక కార్యకర్తలు సంప్రదించారు. సమాచార హక్కు చట్టం కింద ఇలా ఎందుకు చేయాల్సి వచ్చిందో సమాధానం చెప్పాలని ప్రశ్నించగా.. విషయం కోర్టులో ఉన్నందున సమాధానం చెప్పలేమని ఈసీ పేర్కొంది. ఈ విషయంపై సుప్రీంకోర్టు తీర్పు వచ్చిన తర్వాతనే ఈ వివరాలు అందించాలని సెంట్రల్ పబ్లిక్ ఇన్ఫర్మేషన్ ఆఫీసర్ (సీపీఐఓ)కు ఈసీ ఆదేశాలు జారీ చేసింది.