ఉత్తరాఖండ్‌ను వణికించిన స్వల్ప భూకంపం

దిశ, వెబ్ డెస్క్: ఉత్తరాఖండ్‌(Uttarakhand) రాష్ట్రాన్ని శుక్రవారం భూకంపం వణికించింది. ఉత్తరకాశీ(Uttarkashi) జిల్లాలో ఉదయం స్వల్పంగా భూ ప్రకంపనలు నమోదయ్యారు. దీని తీవ్రత రిక్టరు స్కేలుపై 3.5గా నమోదైనట్లు నేషనల్‌ సెంటర్‌ ఫర్‌ సిస్మోలజీ(National Center for Seismology) అధికారులు వెల్లడించారు. భూమికి 5 కిలోమీటర్ల లోతులో భూకంపం కేంద్రం ఉన్నట్లు పేర్కొన్నారు. ఒక్కసారిగా భూ ప్రకంపనలు రావటంతో ప్రజలు తీవ్ర భయాందోళనకు గురయ్యారు. ఇళ్ల నుంచి బయటకు పరుగులు తీశారు. అయితే స్వల్ప స్థాయిలోనే ప్రకంపనలు ఉండటంతో ఎలాంటి ప్రాణ, ఆస్తి నష్టం సంభవించలేదు.