‘నిజమే.. కానీ’.. ఆపరేషన్ సిందూర్ టైంలో పాక్కు సహకారంపై చైనా క్లారిటీ
ఆపరేషన్ సిందూర్ టైంలో పాక్కు సహకారం అందించడంపై చైనా క్లారిటీ ఇచ్చింది. సహకారం మాట వాస్తవమేనని, అయితే భారత్కు తాము వ్యతిరేకం కాదని చెప్పింది.
దిశ, నేషనల్ బ్యూరో: ‘ఆపరేషన్ సిందూర్’ సమయంలో పాకిస్తాన్కు చైనా సహకారం అందించిందని భారత ఆర్మీకి చెందిన టాప్ అఫీషియల్ ఇటీవలే సంచలన వ్యాఖ్యలు చేసిన సంగతి తెలిసిందే. ఈ విషయంలపై చైనాకు ప్రశ్నలు ఎదురయ్యాయి. చైనా-పాకిస్తాన్ ఫ్రెండ్లీ దేశాలని, కాబట్టి డిఫెన్స్, సెక్యూరిటీ రంగాల్లో సహకారం చాలా సాధారణమని బీజింగ్ చెప్పుకొచ్చింది. సోమవారం నాడు మీడియాతో మాట్లాడిన చైనా విదేశాంగ శాఖ అధికార ప్రతినిధి మావో నింగ్ ఈ వ్యాఖ్యలు చేశారు. తనకు ఈ అంశంపై ప్రత్యేకంగా ఎలాంటి సమాచారం లేదని, అయితే పాక్కు తమ సహకారం ఏ దేశానికీ వ్యతిరేకంగా జరగలేదంటూ తప్పించుకునే ప్రయత్నం చేసిందామె.
‘ఆపరేషన్ సిందూర్’ సమయంలో భారత్, పాక్ మధ్య పరిస్థితులను చైనా చాలా జాగ్రత్తగా పరిశీలించిందని, ఇరుదేశాలు చర్చలు జరపాలని కోరిందని, ప్రాదేశిక శాంతి కోసం ప్రయత్నించిందని నింగ్ తెలిపారు. ఈ రెండు దేశాల మధ్య శాంతి స్థాపనకు మధ్యవర్తి్త్వం వహించేందుకు చైనా సిద్ధంగా ఉందని చెప్పారు. అదే సమయంలో భారత్-చైనా సంబంధాలు కూడా కీలకమైన దశలో ఉన్నాయని, వీటిని మరింత ఆరోగ్యకరంగా మార్చేందుకు తాము సిద్ధంగా ఉన్నామని ఆమె పేర్కొన్నారు.
