Bill Gates: ఏఐ సదస్సుకు బిల్ గేట్స్ నిజంగానే దూరం అయ్యారా? క్లారిటీ ఇదే

దిశ, డైనమిక్ బ్యూరో: మైక్రోసాఫ్ట్ సహ వ్యవస్థాపకుడు బిల్ గేట్స్ (Bill Gates) భారత పర్యటన చర్చనీయాంశంగా మారింది. ఢిల్లీలో జరుగుతున్న ఏఐ ఇంపాక్ట్ సదస్సుకు (AI Impact Summit) ఆయన దూరంగా ఉండబోతున్నట్లు జరుగుతున్న ప్రచారంపై క్లారిటీ వచ్చింది. ముందస్తుగా నిర్ణయించిన షెడ్యూల్ ప్రకారం గురువారం సమ్మిట్ లో బిల్ గేట్స్ పాల్గొనాల్సి ఉంది. కానీ ఇవాళ సమ్మిట్ లో పాల్గొనే ముఖ్యుల జాబితాలో ఆయన పేరు కనిపించలేదు. దీంతో ఆయన ఈ సమ్మిట్ కు దూరంగా ఉన్నారనే ప్రచారం జరిగింది. లైంగిక వేధింపుల నేరగాడు జెఫ్రీ ఎప్ స్టీన్ తో బిల్ గేట్స్ స్నేహం, ఇటీవల విడుదలైన ఎప్ స్టీన్ ఫైల్స్‌లో గేట్స్ పేరు వెలుగులోవచ్చింది. దీంతో ఆయనపై సోషల్ మీడియాలో తీవ్ర విమర్శలు వెల్లువెత్తాయి. ఈ ఎఫెక్టు వల్లే ఈ సమ్మిట్‍కు దూరంగా ఉండాలనే నిర్ణయించుకున్నారనే ప్రచారం జరుగుతోంది.