తాగుబోతుల‌పై సీఎం సంచ‌ల‌న వ్యాఖ్యలు! వాళ్లు అలాంటి వాళ్లేనంట!!
దిశ, వెబ్‌డెస్క్ః "పొగతాగ‌ని వాడు దున్న‌పోతై పుట్టున్" అని గిరీశం అంటే, "మ‌ద్య‌పానం చేయువాడు అయోగ్యుడే కాదు, మ‌హా పాపి.." అని బీహార్‌లో ముఖ్యమంత్రి నితీష్ కుమార్ అంటున్నారు. ఇటీవ‌ల బీహార్ రాష్ట్రంలో చీప్ లిక్క‌ర్‌పై వివాదాలు, విమర్శలు మ‌రింత ఎక్కువ కావ‌డంతో శాస‌న స‌భ‌లో సీఎం సీరియ‌స్‌ అయ్యారు. విషపూరితమైన మద్యం సేవించి మరణించిన వారికి ఉపశమనం కల్పించడంలో రాష్ట్ర ప్రభుత్వం బాధ్యత వహించదని క‌చ్ఛితంగా చెప్పేశారు. మహాత్మాగాంధీ కూడా మద్యపానాన్ని వ్యతిరేకించారని, ఆయన సిద్ధాంతాలకు విరుద్ధమైన వారు 'మహాపాపులు, మహాఅయోగ్యుల‌ని' ముఖ్యమంత్రి వ‌క్కాణించారు. "నేను అలాంటి వ్యక్తులను భారతీయులుగానే పరిగణించను" అని పెద్ద బాంబు వేశారు. మద్యం సేవించడం హానికరమని తెలిసినా ప్రజలు చీప్ లిక్క‌ర్‌ను వినియోగిస్తున్నారని, తద్వారా జరిగే పరిణామాలకు వారే బాధ్యత వహిస్తారని, రాష్ట్ర ప్రభుత్వం కాదని అన్నారు.
బీహార్ అసెంబ్లీలో మద్యం చ‌ట్టంలో సవరణ బిల్లును ప్రవేశపెట్టి, ఆమోదించిన సంద‌ర్భంలో సీఎం నితీష్ కుమార్ ఈ వ్యాఖ్యలు చేశారు. అయితే, రాష్ట్రంలో మొదటిసారిగా నేరం చేసేవారికి మద్య నిషేధాన్ని తక్కువ కఠినతరం చేయడానికి ఉద్దేశించి ఈ సవరణ బిల్లు చేయ‌డం విశేషం. బీహార్ ప్రొహిబిషన్ అండ్ ఎక్సైజ్ (సవరణ) బిల్లు, 2022, గవర్నర్ ఆమోదం పొందిన తర్వాత, మొదటిసారి నేరం చేసినవారు జరిమానా డిపాజిట్ చేసిన తర్వాత డ్యూటీ మేజిస్ట్రేట్ నుండి బెయిల్ పొందుతారు. అయినప్పటికీ, వ్యక్తి దానిని చెల్లించడంలో విఫలమైతే, అతను లేదా ఆమె ఒక నెల జైలు శిక్షను ఎదుర్కోవలసి ఉంటుంది. కాగా, బీహార్‌లో 14-15 మంది పాట్నా హైకోర్టు న్యాయమూర్తులు బీహార్ ప్రొహిబిషన్ అండ్ ఎక్సైజ్ చట్టం కింద చేసిన అరెస్టులకు సంబంధించిన బెయిల్ పిటిషన్‌లను మాత్రమే విచారించడంతో బీహార్‌లోని న్యాయవ్యవస్థ పనితీరుపై మద్యం చట్టం ప్రభావం చూపుతోందని సుప్రీంకోర్టు గత ఏడాది వ్యాఖ్యానించింది.
शराब पीने वाले @NitishKumar के अनुसार हिंदुस्तानी नहीं और वो महापापी और महाअयोग्य और उनके लिए कोई सहानुभूति नहीं @ndtvindia @Anurag_Dwary pic.twitter.com/bfTB4YU28w
— manish (@manishndtv) March 31, 2022
