పాక్ కాల్పుల్లో అమరుడైన మరో బీఎస్ఎఫ్ జవాన్!

దిశ, నేషనల్ బ్యూరో: కాల్పుల విరమణను పాక్ ఉల్లంఘించడంతో మరో జవాన్ అమరుడయ్యాడు. శనివారం రాత్రి కాల్పుల విమరణ ఒప్పందాన్ని ఉల్లంఘించిన పాకిస్తాన్.. జమ్మూలోని ఆర్ఎస్ పురాలో తీవ్రమైన కాల్పులకు తెగబడింది. ఈ కాల్పుల్లో ఏడుగురు బీఎస్ఎఫ్ జవాన్లు గాయపడ్డారు. వీరిలో కానిస్టేబుల్ దీపక్ చిమింగఖం చికిత్స పొందుతూ ఆదివారం నాడు తుదిశ్వాస విడిచారు. ఈ విషయాన్ని బీఎస్ఎఫ్ అధికారికంగా ప్రకటించింది. దీపక్ అమరుడవడంపై అతని కుటుంబానికి బీఎస్ఎఫ్ ప్రగాఢ సానుభూతి తెలియజేసింది. కాగా, బీఎస్ఎఫ్ ఎస్ఐ మహమ్మద్ ఇంతియాజ్ కూడా ఈ కాల్పుల్లో అమరుడైన సంగతి తెలిసిందే.