Ration Cards: రేషన్ కార్డు లబ్దిదారులకు కేంద్రం బిగ్ షాక్.. 5.8 కోట్ల కార్డులు రద్దు

దిశ, డైనమిక్ బ్యూరో: సమర్థవంతమైన, పారదర్శకమైన ప్రజా పంపిణీ వ్యవస్థకు కేంద్రం కట్టుబడి ఉందని కేంద్ర ప్రభుత్వం స్పష్టం చేసింది. దేశవ్యాప్తంగా 5.8 కోట్ల రేషన్‌ కార్డులు (Ration Cards) నకిలీగా తేల్చి తొలగించినట్లు ఇవాళ వెల్లడించింది. ఆధార్‌ ధ్రువీకరణ, ఈకేవైసీ ద్వారా ఈ నిర్ణయం తీసుకున్నట్లు కేంద్రం ప్రకటన విడుదల చేసింది. ఇప్పటివరకు పీడీఎస్ లబ్ధిదారుల్లో 64 శాతం మంది మాత్రమే ఈకేవైసీ (eKYC) పూర్తి చేశారని తెలిపింది. మిగిలిన లబ్ధిదారుల కోసం ఈ కేవైసీ ప్రక్రియ కొనుసాగుతున్నదని తెలిపింది. ఇప్పటి వరకు 20.4 కోట్ల రేషన్ కార్డుల డిజిటలైజేషన్ ప్రక్రియ పూర్తయిందని తెలిపింది. దేశవ్యాప్తంగా 5.33 లక్షల చౌగధరల దుకాణాలకు ఈ పోస్ పరికాలు అందుబాటులో ఉన్నాయని స్పష్టం చేసింది.