పీవీ సింధుకు మోదీ ధన్యవాదాలు

దిశ, వెబ్‌డెస్క్: భారత బ్యాడ్మింటన్ స్టార్ పీవీ సింధు రక్షాబంధన్‌ సందర్భంగా ప్రధాని మోదీకి శుభాకాంక్షలు తెలిపింది. ఈ సందర్భంగా ఓ వీడియోను తన ట్విట్టర్ అకౌంట్‌లో షేర్ చేసింది. పీవీ సింధు శుభాకాంక్షలకు స్పందించిన మోదీ ఆమెకు ధన్యవాదాలు తెలిపారు.

ఇదే సమయంలో సింధును కొనియాడుతూ.. ఈ దేశానికి ఎన్నో బహుమతులను తీసుకొచ్చారని గుర్తు చేశారు. ఇదే స్ఫూర్తిని కొనసాగిస్తూ దేశానికి మరెన్నో విజయాలను తీసుకొస్తారని ఆశిస్తున్నా అంటూ మోదీ ట్వీట్ చేశారు. భారత దేశం మిమ్మల్ని చూసి గర్వపడుతోందని ప్రధాని మోదీ హర్షం వ్యక్తం చేశారు.