స్థానిక ఎన్నికలపై ద్వంద్వ వైఖరి : RRR

దిశ, ఏపీ బ్యూరో: స్థానిక ఎన్నికల నిర్వహణపై రాష్ర్ట ప్రభుత్వం ద్వంద్వ వైఖరి అవలంభిస్తోందని నరసాపురం ఎంపీ రఘురామకృష్ణం రాజు వ్యాఖ్యానించారు. శుక్రవారం ఢిల్లీలో ఆయన మీడియాతో మాట్లాడుతూ..నవంబరు 2న పాఠశాలలు ప్రారంభిస్తున్నప్పుడు ఎన్నికలు ఎందుకు నిర్వహించకూడదని ప్రశ్నించారు. సీఎం వైఎస్ ​జగన్​ పునరాలోచించాలని విజ్ఞప్తి చేశారు.

ఇంగ్లీష్​ మీడియంపై సుప్రీం కోర్టులో ప్రభుత్వానికి వ్యతిరేకంగా తీర్పు రావచ్చనే అభిప్రాయం వెలిబుచ్చారు. అప్పటిదాకా హైకోర్టు ఇచ్చిన తీర్పే అమలులో ఉంటుందన్నారు. దీన్ని బట్టి పాఠశాలల్లో ఏ మీడియంలో బోధిస్తారని విద్యాశాఖ మంత్రి సురేష్​కు లేఖ రాసినట్లు ఎంపీ తెలిపారు.