సల్మాన్ ఖాన్ సినిమాలో బంపర్ ఆఫర్ అందుకున్న యంగ్ హీరోయిన్.. అవసరమా అంటున్న నెటిజన్లు
బాలీవుడ్ స్టార్ హీరో సల్మాన్ ఖాన్(Salman Khan) వరుస సినిమాల్లో నటిస్తున్నప్పటికీ ఒక్క హిట్ పడటం లేదు.
దిశ, సినిమా: బాలీవుడ్ స్టార్ హీరో సల్మాన్ ఖాన్(Salman Khan) వరుస సినిమాల్లో నటిస్తున్నప్పటికీ ఒక్క హిట్ పడటం లేదు. అయినప్పటికీ హిట్, ఫ్లాప్ అని ఆలోచించకుండా కథ నచ్చడంతో గ్రీన్ సిగ్నల్ ఇస్తున్నారు. ఇటీవల సల్మాన్ ఖాన్ ‘సికందర్’ చిత్రంతో ప్రేక్షకులను అలరించారు. ప్రస్తుతం సల్మాన్ ఖాన్ ‘బ్యాటిల్ ఆఫ్ గల్వాన్’ (Battle of Galwan)సినిమాలో నటిస్తున్నారు. అపూర్వ లఖియా దర్శకత్వంలో రాబోతున్న ఈ మూవీలో సల్మాన్ ఆర్మీ ఆఫీసర్ పాత్రలో కనిపించనున్నారు. గల్వాన్ లోయలో భారతదేశం, పాకిస్తాన్ జవాన్ల మధ్య జరిగిన ఘర్షణ నేపథ్యంలో తెరకెక్కుతున్నట్లు సమాచారం. ఇటీవల ఈ సినిమాకు సంబంధించిన ఫస్ట్ లుక్ పోస్టర్ కూడా విడుదలై ప్రేక్షకుల్లో క్యూరియాసిటీని పెంచింది.
తాజాగా, ఈ చిత్రంలో హీరోయిన్ ఫిక్స్ అయింది. బాలీవుడ్ యంగ్ బ్యూటీ చిత్రాంగద సింగ్(Chitrangada Singh), సల్మాన్ సరసన రొమాన్స్ చేయనుంది. ఆమెకు వెల్కమ్ చెప్తూ చిత్రబృందం ఫొటోను షేర్ చేశారు. ప్రస్తుతం ఈ పోస్ట్ సోషల్ మీడియాలో వైరల్ అవుతుండగా.. ఈ విషయం తెలుసుకున్న నెటిజన్లు అవసరమా అని కామెంట్లు చేస్తున్నారు. ఆయనకు ఒక్క హిట్ లేదు.. నీ కెరీర్ రిస్క్లో పడుతుందని అంటున్నారు. కాగా, ఈ అమ్మడు హిందీలో పలు చిత్రాల్లో నటించి ఫుల్ పాపులారిటీ దక్కించుకుంది. ఇటీవల ‘హౌస్ఫుల్-5’ సినిమాలో కీలక పాత్రలో నటించి మెప్పించింది. అయితే ఈ మూవీ బాక్సాఫీసు వద్ద హిట్ సాధించలేకపోయింది. లింక్
