ఇళయరాజా ఇంట తీవ్ర విషాదం

దిశ, వెబ్‌డెస్క్: మ్యూజిక్ మ్యాస్ట్రో ఇళయరాజా ఇంట విషాదం నెలకొంది. ఆయన అన్నయ్య కొడుకు పావలర్ శివన్ (60) నిన్న గుండెపోటుతో మరణించారు. పావలర్ గిటార్ వాయిద్యకారుడిగా ఇళయరాజా బృందంలోనే చేసేవారు. గతంలో రెండు, మూడు చిత్రాలకు సంగీత దర్శకుడిగానూ పని చేశారు. అయితే.. నిన్న తన నివాసంలోనే పావలర్ శివన్ గుండెపోటుకు గురికావడంతో ఆసుపత్రికి తరలించగా.. అప్పటికే ఆయన చనిపోయినట్లు వైద్యులు దృవీకరించారు. కాగా.. పావలర్ మృతి పట్ల సినీ ప్రముఖులు, రాజకీయ వేతలు, అభిమానులు సంతాపం తెలియజేస్తున్నారు.