ఇది ఒక అద్భుతమైన ప్రయాణం.. ఎమోషనల్ పోస్ట్ పెట్టిన వరలక్ష్మీ శరత్ కుమార్

దిశ, సినిమా: స్టార్ నటి వరలక్ష్మి శరత్ కుమార్(Varalaxmi Sarathkumar) ప్రధాన పాత్రలో నటిస్తూ, దర్శకత్వం వహిస్తున్న ప్రతిష్టాత్మక చిత్రం ‘సరస్వతి’ (Saraswathi). ఈ సినిమా షూటింగ్ ఎట్టకేలకు పూర్తయింది. ఈ సందర్భంగా వరలక్ష్మి తన సోషల్ మీడియా వేదికగా ఒక ఎమోషనల్ పోస్ట్‌ను షేర్ చేస్తూ షూటింగ్ పూర్తి అయినట్లు ప్రకటించారు. "ఇదొక అద్భుతమైన ప్రయాణం. నా సెట్స్‌లో ఉన్న ప్రతి ఒక్కరికీ.. నా నటీనటులకు, దర్శకత్వ విభాగానికి, డీఓపీకి, ప్రొడక్షన్ సిబ్బందికి, చివరకు లైట్‌మెన్ వరకు ప్రతి ఒక్కరికీ పేరుపేరునా ధన్యవాదాలు" అంటూ ఆమె రాసుకొచ్చారు.

కాగా.. ఈ సినిమాను వరలక్ష్మీ శరత్ కుమార్ తన సొంత బ్యానర్ 'దోశ డైరీస్' (Dosa Diaries) పై పూజా శరత్ కుమార్‌తో కలిసి ఈ చిత్రాన్ని నిర్మిస్తున్నారు.ఈ సినిమాలో ప్రియమణి, ప్రకాష్ రాజ్, రాధికా శరత్ కుమార్ వంటి భారీ తారాగణం కీలక పాత్రల్లో నటిస్తున్నారు. మ్యూజిక్ సెన్సేషన్ థమన్ ఈ చిత్రానికి సంగీతాన్ని అందిస్తున్నారు. ఒక వైవిధ్యమైన కథాంశంతో తెరకెక్కుతున్న ఈ సినిమాపై టాలీవుడ్‌లో మంచి అంచనాలు ఉన్నాయి. షూటింగ్ పూర్తి చేసుకున్న ఈ చిత్రం ప్రస్తుతం పోస్ట్ ప్రొడక్షన్ పనుల్లో నిమగ్నమై ఉంది. త్వరలోనే టీజర్ లేదా ఫస్ట్ లుక్ విడుదల చేసే ఆలోచనలో మేకర్స్ ఉన్నట్లు తెలుస్తోంది.‘సరస్వతి’ చిత్రం ద్వారా మరోసారి తన నటనా ప్రతిభను చూపించడానికి వరలక్ష్మీ సిద్ధమవుతుండగా, ఈ సినిమాపై ప్రేక్షకుల్లో ఆసక్తి రోజు రోజుకు పెరుగుతోంది. బలమైన మహిళా పాత్రలతో తనకంటూ ప్రత్యేక గుర్తింపు తెచ్చుకున్న వరలక్ష్మీ కెరీర్‌లో ఈ సినిమా మరో ముఖ్యమైన మైలురాయిగా నిలుస్తుందనే అంచనాలు వినిపిస్తున్నాయి.

It's been an amazing journey..thank you to every single person on my set..my actors..my direction dept..my dop..every single lightman to production Amma thank you..
It’s a WRAP for #Saraswathi 's Journey 🎬
Produced by Pooja Sarath Kumar & #VaralaxmiSarathKumar under the… pic.twitter.com/oMMhfw7eBi

— 𝑽𝒂𝒓𝒂𝒍𝒂𝒙𝒎𝒊 𝑺𝒂𝒓𝒂𝒕𝒉𝒌𝒖𝒎𝒂𝒓 (@varusarath5) December 30, 2025