Rajni Kanth ‘లాల్ సలాం’తో రీ ఎంట్రీ ఇవ్వబోతున్న సీనియర్ హీరోయిన్?

దిశ, సినిమా: కోలీవుడ్ సూపర్ స్టార్ రజనీకాంత్ కుమార్తె ఐశ్వర్య దర్శకత్వంలో తెరకెక్కుతున్న చిత్రం ‘లాల్ సలాం’. లైకా నిర్మాణ సంస్థ ప్రతిష్టాత్మకంగా నిర్మిస్తున్న ఈ సినిమాలో విష్ణు విశాల్, విక్రాంత్ హీరోలుగా నటిస్తుండగా సూపర్ స్టార్ రజినీకాంత్ అతిథి పాత్రలో నటిస్తున్నారు. ఇక తాజాగా ఈ మూవీలో సీనియర్ నటి నిరోషా తిరిగి రీ ఎంట్రీ ఇవ్వబోతున్నారు. ఇందులో నిరోషా రజనీకాంత్‌కు చెల్లెలి పాత్రలో నటించబోతున్నారు అంటూ వార్తలు వస్తున్నాయి. ఒకానొక సమయంలో తెలుగు తమిళ భాషల్లో హీరోయిన్‌గా ఓ వెలుగు వెలిగి మంచి గుర్తింపు సంపాదించుకున్న నిరోషా చాలా కాలం తర్వాత ఇండస్ట్రీలోకి రానుండటంతో అభిమానులు కూడా సంతోషం వ్యక్తం చేస్తున్నారు.