ఎంటర్‌టైన్‌మెంట్ డోస్ రెడీ అయింది.. ‘సంతాన ప్రాప్తిరస్తు’ రిలీజ్‌ డేట్ అనౌన్స్ చేసిన మేకర్స్ (పోస్ట్)

దిశ, సినిమా: యంగ్ బ్యూటీ చాందినీ చౌదరి(Chandni Chowdhury), విక్రాంత్(Vikranth) జంటగా నటించిన లేటెస్ట్ మూవీ ‘సంతాన ప్రాప్తిరస్తు’(SanthanaPrapthirasthu). ఈ మూవీలో కమెడియన్ వెన్నెల కిషోర్(Vennela Kishore) డాక్టర్ భ్రమరం పాత్రలో కనిపించనున్నాడు. ఈ సినిమాకు సంజీవ్ రెడ్డి (Sanjeev Reddy)దర్శకత్వం వహించగా.. మధుర ఎంటర్‌టైన్‌మెంట్స్, నిర్వి ఆర్ట్స్ బ్యానర్స్‌పై శ్రీధర్ రెడ్డి, నిర్వి హరిప్రసాద్ నిర్మిస్తున్నారు. ఇందులో తరుణ్ భాస్కర్, అభినవ్ గోమటం, మురళీధర్ గౌడ్, హర్షవర్ధన్, బిందు చంద్రమౌళి, జీవన్ కుమార్, సత్య కృష్ణ, తాగుబోతు రమేష్, అభయ్ బేతిగంటి, కిరీటి, అనిల్ గీలా, సద్దాం కీలక పాత్రలో నటించారు.

ప్రస్తుత సమాజంలో యూత్ కపుల్స్ ఎదుర్కొంటున్న ప్రధాన సమస్యలలో ఒక దానిని తీసుకుని ‘సంతాన ప్రాప్తిరస్తు’ సినిమా తీశారు. యూత్ ఫుల్ ఫ్యామిలీ ఎంటర్‌టైనర్‌గా రాబోతున్న ఈ చిత్రం నుంచి వచ్చిన అప్డేట్స్ ఆకట్టుకున్నాయి. ఇక షూటింగ్ పూర్తి చేసుకున్న ఈ చిత్రం విడుదలకు సిద్ధమైంది. తాజాగా, మూవీ మేకర్స్ ట్విట్టర్ ద్వారా ‘సంతాన ప్రాప్తిరస్తు’ రిలీజ్ డేట్ అనౌన్స్ చేసి సినీ ప్రియులకు సర్‌ప్రైజ్ ఇచ్చారు. ఈ సినిమా చిల్డ్రన్ డే సందర్భంగా నవంబర్ 14న వరల్డ్ వైడ్‌గా రిలీజ్ కానున్నట్లు తెలుపుతూ ఓ పోస్ట్ పెట్టారు. ‘‘ఎంటర్‌టైన్‌మెంట్ డోస్ రెడీ అయింది.. మీ అపాయింట్మెంట్‌ను బుక్ చేసుకోండి’’ అనే క్యాప్షన్ జత చేస్తూ.. హీరో, హీరోయిన్‌తో పాటు వెన్నెల కిషోర్ కూర్చీలో కూర్చున పోస్టర్‌ను షేర్ చేశారు.

link