శివాజీ వర్సెస్ నరేష్.. హీరోయిన్ల డ్రెస్సులపై ఆగని వివాదం!
టాలీవుడ్లో హీరోయిన్ల బట్టల రచ్చ ఇప్పుడప్పుడే ముగిసేలా కనిపించడం లేదు.
దిశ, సినిమా: టాలీవుడ్లో హీరోయిన్ల బట్టల రచ్చ ఇప్పుడప్పుడే ముగిసేలా కనిపించడం లేదు. నటుడు శివాజీ (Shivaji)మొదలెట్టిన ఈ వివాదం కాస్త సద్దుమణిగింది అనుకుంటున్న సమయంలో.. సీనియర్ నటుడు నరేష్(Naresh) చేసిన వ్యాఖ్యలు మళ్ళీ సెన్సేషన్గా మారాయి. ఇటీవల ‘హే భగవాన్’ ట్రైలర్ లాంచ్ ఈవెంట్లో పాల్గొన్న నరేష్, స్టేజ్ మీద హీరోయిన్ శివాని నగరంతో ప్రవర్తించిన తీరు, ఆయన చేసిన కామెంట్స్ ఇప్పుడు సోషల్ మీడియాలో హాట్ టాపిక్గా మారి, కొత్త చర్చకు దారితీశాయి. ఈ వేడుకలో భాగంగా హీరోయిన్ శివానిని పలకరిస్తూ హగ్ చేసుకుందామని వెళ్ళిన నరేష్, ఒక్కసారిగా ఆగిపోయి వెనక్కి తగ్గాడు. ఆమె పద్ధతిగా చీర కట్టుకుని ఉండటాన్ని చూపిస్తూ.. ‘‘అందరూ శివాజీ చెప్పినట్టే వింటున్నట్టున్నారు, అందుకే ఈ మధ్య వేడుకల్లో మహిళలంతా చీరల్లోనే కనిపిస్తున్నారు’’ అంటూ సెటైర్లు వేశారు.
అందరూ ఇలా పద్ధతిగా ఉంటే హగ్ చేసుకోవడం కష్టమని, అందుకే తాను హగ్ చేసుకోకుండా హీరోయిన్, యాంకర్ స్రవంతిని ఒకరినొకరు కౌగిలించుకోమని ఆయన చేసిన వ్యాఖ్యలు ఈవెంట్లో నవ్వులు పూయించినా, బయట మాత్రం వివాదానికి దారితీస్తున్నాయి గతంలో శివాజీ చేసిన వ్యాఖ్యలపై అనసూయ లాంటి స్టార్స్ పెద్ద ఎత్తున యుద్ధమే ప్రకటించారు. ఇప్పుడు నరేష్ కావాలనే శివాజీ పేరును ప్రస్తావిస్తూ చీరకట్టు గురించి మాట్లాడటం, అది కూడా హగ్గులతో ముడిపెట్టడంపై నెటిజన్లు భిన్నాభిప్రాయాలు వ్యక్తం చేస్తున్నారు. కొందరు దీనిని కేవలం కామెడీగా చూస్తుంటే, మరికొందరు మాత్రం హీరోయిన్ల దుస్తుల అంశాన్ని పదే పదే వివాదాల్లోకి లాగడం సరికాదని మండిపడుతున్నారు. మొత్తానికి, శివాజీ మొదలుపెట్టిన ఈ డ్రెస్ కోడ్' వివాదం నరేష్ ఎంట్రీతో టాలీవుడ్లో సరికొత్త మలుపు తిరిగింది. ప్రస్తుతం నరేష్కు సంబంధించిన వీడియో సోషల్ మీడియాలో హాట్ టాపిక్గా మారింది.
